ال قاتاندا سنه مشاطه،تماشايه گليم

سن بومهتاب گئجه سي سئيره چيخان بيرسرو اول

اذن وئر،من ده دالونجا سورونوب سايه گليم

منه ده باخدين اوشهلا گؤزوله،من قاراگون

جرئتيم اولمادي بيرکلمه تمنايه گليم

من جهنم ده ده باش ياسديقا قويسام سنيله

هئچ آييلمام کي دوروپ جنت مآوايه گليم

ننه قارنيندادا سنله آکيز اولسيديم اگر

ايسته مزديم دوغولوب بيرده بو دنيايه گليم

سن ياتيپ جنتي رؤياده گؤرنده گئجه لر                               

من ده جنتده قوش اوللام،کي او رؤيايه گليم

قيتليغ ايللر ياغشي تک قورويوب گؤزياشميز

کوي عشقونده گرک بيرده مصلايه گليم

سن ده صحرايه مارال لارکيمي بيرچيخ،نولي کي

من ده بير صيده چيخانلار کيمي،صحرايه گليم

آللاهوندان سن اگرقورخميوب،اولسان ترسا

قورخورام من ده دؤنوب دين مسيحايه گليم

شيخ صنعان کيمي دونقوز اوتاريب ايللرجه

سني بير گؤرمک ايچون معبد ترسايه گليم

يوخ صنم!آنلاماديم،آنلاماديم،حاشا من

بوراخيم مسجديمي،سنله کليسايه گليم! 

گل چيخاق طورتجلايه،سن اول جلوه ي طور

من ده موسي کيمي،اوطوره تجلايه گليم

شيردير«شهريار»ين شعري،الينده شمشير

کيم دئيه ر من بئله بير شيرله دعوايه گليم؟